從前總對「可樂」研究有加。罐裝太多汽、大支玻璃樽不夠味、細支玻璃樽最對味；健怡汽又粗又密，喝完只會一肚氣；零卡側甜味古怪，還是選Classic。無論如何，食物最好仍是配「可樂」，喝完口腔清爽，油膩盡消；因含咖啡因，喝過提神又止痛。精神爽利也！
但自從經朋友介紹這葡萄牙出品之Sumol果汁汽水，我不知不覺間開始嫌棄可樂，越喝越覺得它一味死甜，是另結新款並打算貪新棄舊之徵兆！我朝思暮想的都總是只在來來超市有售的Sumol熱情果味汽水…
Sumol它樽身高挑苗條，樽底還有一陣雲霧，就如兒時在工人球場飯堂吹得人頭暈轉向的風扇下喝的「白檸」汽水一樣，由新鮮生果而來的沈澱物，不化學的那股鮮味才令人們喝過都魂牽夢繞。而它的汽泡細密，配上熱情果濃甜味，舌頭就如陽光充沛的邁阿密沙灘，被熱情的海浪沖刷味蕾後，樂不思蜀。
Sumol也有菠蘿味、橙味、芒果味，也有罐裝，但我獨愛玻璃樽裝熱情果，可完全執在手內，手間很充實，也愛用飲管啜，汽泡較集中刺激舌頭，使我更能捉住那熱情得過火的果甜美味！
樽裝售4元，罐裝3.5元。於來來超級市場。
Hello, 在剛過去的幾小時前, 我们才在香港共晋了兩小時的黑暗晚餐, 我是Queenie呀~ 記得我嗎 :)
回覆刪除原來妳是飲食專欄作家, 太好了...nice to meet you :)
我可以跟著妳的飲食介绍去澳門捐窿捐罅, 因为我比較喜歡家庭小店的風味:) 我一年都會去幾次澳門, 絕對不是去賭 (我咁大個人都是上年才第一次入新濠天地賭場...食buffet), 我跟丈夫番澳門掃墓。
講番呢隻汽水, 我最初喺澳門八伯伴見到就買哂嚟試, 我覺得味道好假, 好似代糖嗰種味, 我唔啱飲但我丈夫就愛到佢地死, 家鄉嘢嘛~ 後來我發覺自己買得贵, 原來士多辨館賣得便宜多了, 激氣:)
顯示時間唔啱?? 現在是9/2 01:16呵~
刪除Hello Queenie! Nice to meet you, too! 老實講在黑暗中真係認唔到個樣, 不過我記得你坐我左手邊斜對面第一個, 尋晚真係好好玩啊!
回覆刪除你丈夫是葡國人嗎? 咁佢會唔會煮葡國菜俾你食? 哈哈, 尋晚我地先講話互相鍾意對方既野食, 因為"永遠隔離飯香"! 八佰伴D野定價會比出面高架, 所以我地只係買佢出面無既囉, 俾佢賺多幾次就知精架喇! :)
嘩! 原來你在Openrice有六百幾篇食評! 好犀利呀!
Hello Jules,
回覆刪除係呀~ 我丈夫是葡國人, 有時都會煮葡國菜, 所以每次嚟澳門都會大罐细罐葡國罐頭, 水等等帶番香港。
我真係要多d留意妳個blog的好介绍, 因为每次去Macao都會去坤記, 丈夫念舊呵, 不過事實是一次差過一次, 上次叫個牛肝, 嘩~ 又乾又嚡, 以前好juicy呀...绵花牛扒都無咁腍了, 難道出了名就差咗??
妳係纯中國人? 因為我見妳寫/影的家庭菜是中式:)
真係好高興識到妳:)
你老公會煮餸俾你食, 實在太幸福喇! 我老公剩係識得食! 咁你多D post你老公煮既餸去你個blog度, 等我學番兩味! :)
刪除坤記只係細個去過, 知道宜家已經唔好食, 就無再去。
我是同好多澳門人一樣係廣東人, 我老公屋企就係上海人。
我也很高興識到你呢!